गुल्मी । राष्ट्रिय अनुसन्धान कार्यालय गुल्मीको आफ्नै भवन निर्माण भएको छ । जिल्ला सदरमुकाम तम्घासमा नवनिर्मित भवनको राष्ट्रिय अनुसन्धान मुख्य अनुसन्धान निर्देशक हुतराज थापाले उद्घाटन गरेका हुन् ।
जिल्ला प्रशासन कार्यालयको एउटा कोठामा सिमित रहेको राष्ट्रिय अनुसन्धान कार्यालय गुल्मीको आफ्नै भवन निर्माण भएको हो । भवन निर्माण भएसँगै कार्यालय तथा सेवा प्रवाहमा सहज भएको छ ।
१२ वटा कोठा सहित निर्माण भएको भवन तीन तलाको रहेको छ । भवनको सुरुको तलामा कार्यालय दोस्रो तलामा कार्यालय प्रमुख निवास र अर्को तलामा अतिथि निवास राख्ने गरि निर्माण भएको छ ।
भवनको उद्घाटन गर्दै राष्ट्रिय अनुसन्धान मुख्य अनुसन्धान निर्देशक हुतराज थापाले भवन निर्माणको लागि सहयोग गर्ने सवैलाई धन्यवाद दिए । उनले तोकिएकै मितिमा निर्माण पक्षले निर्माण कार्य गरेकोमा प्रशंसा गरे ।
उनले यस कार्यालय यहाँका नागरिकै भएकाले यसको संरक्षण र सहयोग दुवै कार्य यहिँकै रहेको उल्लेख गरे । जोग्मा एण्ड डिएनडी जेभी कम्पनी मार्फत निर्माण भएको भवनको २ करोड ३ लाखको लागत रहेको सहरी विकास तथा भवन कार्यालय, रूपन्देहीका इन्जिनियर घनश्याम यादवले बताए ।
उनले भवनको गुणस्तरिय निर्माण कार्य गर्नका लागि बिशेष निगरानी गरिएको बताए । २०८० भदौ २८ गते सम्झौता भएको भवनको तोकिएकै मितिमा निर्माण व्यवसायीले निर्माण गरेका हुन् ।
राष्ट्रिय अनुसन्धान कार्यलय गुल्मीका प्रमुख विनयकुमार चतुर्वेदीले नयाँ भवनमा कार्यालय सरेसँगै कार्यसम्पादन कार्यको लागि सहज हुने बताए । कार्यालयको बिशेष निगरानीका कारणले तोकिएकै मितिमा भवन निर्माण कार्य सहज भएको उनको भनाइ छ ।
नवनिर्मित भवन उद्घाटन कार्यक्रममा निर्माण कार्य गर्ने निर्माण व्यवसायी जोग्मा एण्ड डिएनडी जेभी कम्पनी भोजप्रसाद श्रेष्ठ र सहरी विकास तथा भवन कार्यालय, रूपन्देहीका इन्जिनियर घनश्याम यादव सहित विभिन्न कार्यालयलाई सम्मान गरिएको थियो । कार्यक्रममा प्रमुख जिल्ला जनार्दन गौतम सहित स्थानीय जनप्रनिधि तथा कार्यलय प्रमुखको सहभागिता रहेको थियो ।
सम्बन्धित खवर
