गुल्मी — चन्द्रकोट गाउँपालिकाले गोरु पाल्ने किसानलाई अनुदान प्रदान गरेको छ। गाउँपालिकाले पशुपालनलाई प्रोत्साहन गर्दै कृषकहरूलाई आर्थिक सहायता उपलब्ध गराउने उद्देश्यले यो अनुदान कार्यक्रम ल्याएको हो। गाउँपालिकाका अध्यक्ष युवराज खत्री क्षत्रीका अनुसार, स्थानीय किसानहरूको आयआर्जन बढाउने र परम्परागत गोरु पालनलाई निरन्तरता दिन यो योजना लागू गरिएको उहाँले भन्नुभयो अनुदान प्राप्त गरेका किसानहरूले पशुपालनमा थप लगानी गर्न सक्ने र उत्पादन वृद्धि गर्न मद्दत पुग्ने विश्वास गरिएको पालिकाले गरेको अध्यक्षको भनाई छ ।
गाउँपालिकाको चालु आर्थिक वर्षको नीति तथा कार्यक्रमअनुसार पालिकाभित्र हल गोरु पाल्ने किसानलाई प्रतिकिसान रु तीन हजारका दरले अनुदान दिने जनाएको छ ।
अनुदान दिनका लागि पालिकाले दुई सय ५८ किसान छनोट भएका छन् । जसअनुसार वडा नं १ मा २४, वडा नं २ मा ३४, वडा नं ३ मा नौ, वडा नं ४ मा ३९ तथा वडा नं ५ मा ६९ जना छन् । त्यसैगरी वडा नं ६ मा ३१, वडा नं ७ मा १४ र वडा नं ८ मा ३८ जना किसान छनोट भएको गाउँपालिकाका सूचना अधिकारी शिव ज्ञवालीले जानकारी दिए ।
अनुदानका लागि पालिकाले आवेदन खुलाएको थियो । जसमध्ये पालिकाले अनुगमन गरेपश्चात् कम्तीमा दुई वटा अर्थात् एक हल गोरु पाल्ने किसानलाई छनोट गरेको ज्ञवालीले जानकारी दिए ।
अनुदानको रकम सम्बन्धित वडाबाट वितरण गरिनेछ । गाउँपालिका अध्यक्ष युवराज केसीले विविधतायुक्त कृषि प्रणालीलाई सहयोग गर्न अनुदान दिन थालिएको बताए । “समथर र ठूला खालका जग्गामा यन्त्र उपकरण दिइएको छ”, उनले भने, “भिराला जग्गामा गोरुकै काम हुने भएकाले अनुदान दिन थालेका हौँ ।”गाउँपालिकाले आगामी दिनमा पनि कृषकहरूको हितलाई ध्यानमा राख्दै यस्ता कार्यक्रम सञ्चालन गर्ने प्रतिबद्धता व्यक्त गरेको छ।
