गुल्मी । दिपक भट्टराई
हामी सबैको प्रतिबद्धता लैङ्गिक हिंसा अन्त्यको लागि ऐक्यबद्धताू भन्ने नाराका साथ चन्द्रकोट गाउँपालिकाले ८ वटै वडाहरुमा विविध कार्यक्रम गरी लैंगिक हिंसा विरुद्धको १६ दिने अभियान मनाईरहेको छ।
मंसिर १० गते वडा नं. ८ मजुवाबाट सुरु भएको कार्यक्रम वडा नं ४ मा शान्तिपुरमा आज समापन गरिएको छ । समाजमा लिङ्गका आधारमा गरिने भेदभावलाई निरुत्साहित गर्नका लागि कानुनी सचेतना कार्यक्रम आयोजना गरीएको गाउँपालिकाले जनाएको छ ।
गाउँपालिका उपाध्यक्ष विष्णु प्रसाद भण्डारीको अध्यक्षतामा भएको अभियान अन्तर्गतका कार्यक्रमहरुमा गाउँपालिका अध्यक्ष युवराज खत्रीको प्रमुख आतिथ्यता रहेको थियो ।
कार्यक्रममा प्रमुख प्रशासकीय अधिकृत बुद्घ प्रकाश पौडेल, वडाध्यक्षहरु, कार्यपालिका सदस्यहरु, वडा सदस्य लगायत निर्वाचित जनप्रतिनिधिहरु, महिला वालबालिका तथा जेष्ठ नागरिक शाखा तथा पालिकामा कार्यरत कर्मचारीहरू, वडा सचिवहरु लगायत वडामा कार्यरत कर्मचारीहरु, विभिन्न राजनितिक दलका महिला भातृ संगठनका प्रमुख तथा प्रतिनिधिहरु, महिला स्वास्थ्य स्वयंसेविकाहरू, महिला समूह, आमा समुहका प्रतिनिधिहरू लगायतको उपस्थिति रहेको थियो ।
कार्यक्रममा बोल्दै गाउँपालिका अध्यक्ष तथा प्रमुख आतिथि युवराज खत्रीले आगामी दिनहरूमा यस पालिका भित्र कुनै पनि प्रकारको लैङ्गिक हिंसाका घटनाहरु बढ्न नदिन यस्तो खालको चेतना मुलक कार्यक्रमले सहयोग पुग्ने बताउनु भयो । उहाँले लैङ्गिक हिंसा ले समाजमा पारेको विकृतीका बारेमा जनचेतना जगाउन आवश्यक रहेको जानकारी दिदै आफ्नो टोल छिमेकमा हुने लैंगिक तथा घरेलु हिंसालाई निर्मुल पार्ने यो अभियानले सहयोग पुग्ने बताउनुभयो ।
कार्यक्रमका अध्यक्ष विष्णु प्रसाद भण्डारीले लैङ्गिक हिंसा विरुद्धको अभियान १६ दिन अभियानका बेला मात्र हिंसाको कुरा गरेर पर्याप्त नहुने, भन्दै समाजमा जरागाडेको रुढिबादी संस्कृतिले पनि हिंसा बढ्ने हुनाले यस्ता हिंसालाई न्यूनिकरण गर्न अभियानले सहयोग पुराउने बताउदै समाजमा अहिले पनि आफुले भोगेको हिंसा लुकाउने र सार्वजनिक नगर्ने हुनाले हिम्सा झन बढदै गएको अध्यक्ष भण्डारीको भनाई छ ।
लैङ्गिक हिंसा विरुद्ध कानुनी सचेतना कार्यक्रममा सहजीकरण गर्दै प्रमुख प्रशासकीय अधिकृत बुद्घ प्रकाश पौडेलले कानुनको पालन सवै नागरिकले गर्नु पर्दछ । समाजमा अहिले धेरै किसिमका हुने हिंसा गरेको पाइन्छ । हिंसाका प्रकृति धेरै प्रकारका रहेका छन् । बालविवाह, बलात्कार, यौनजन्य दुव्र्यवहार, बालविवाह, घरेलु हिंसा, बहुविवाह, दाइजो हिंसा, गाली बेजती, बोक्सी आरोप, मानव बेचबिखन तथा ओसारपसार यी सबै हिंसा हुन् ,प्रशासकीय पौडेलले भन्नुभयो यि सबै कानुनले बर्जित गरेका हिंसात्मक गतिविधि हुन् । यस्ता गतिविधि गर्नेलाई कानुनी सजाय हुने व्यवस्था रहेको भन्दै यस्ता कार्य कसैबाट हुन नहुने बताउनु भयो ।
कार्यक्रममा साविकका वडाहरू बाट १ र १ जना गरी कुल ७२ जना जेष्ठ महिलालाई सम्मान गरिएको थियो ।
अभियान अन्तर्गत सम्पूर्ण वडाहरुमा वडा स्तरिय महिला संजाल समेत गठन भएको छ । जस अन्तर्गत वडा नं. १ मा राधिका खरेलको अध्यक्षतामा १९ सदस्यीय यसैगरी वडा नं. २ मा पद्मा देवी सापकोटाको.१३ सदस्यीय, वडा नं। ३ मा भीमा श्रीसको अध्यक्षतामा १५ सदस्यीय, वडा नं। ४ मा रामकुमारी कार्कीको अध्यक्षतामा १९ सदस्यीय, वडा नं। ५ मा वविता गौचनको अध्यक्षतामा १५ सदस्यीय, वडा नं। ६ मा गंगा शर्माको अध्यक्षतामा १५ सदस्यीय, वडा नं। ७ मा तुल्सी मगरको अध्यक्षतामा १९ सदस्यीय र वडा नं। ८ मा सीता बस्नेतको अध्यक्षतामा १३ सदस्यीय वडा स्तरीय महिला संजाल गठन भएको तथा सन्जाल गठन बाट पालिका भित्रका १२८ महिनाहरु नेतृत्वमा पुगेको प्रमुख प्रशसकिय अधिकृत बुद्घ प्रकाश पौडेलले जानकारी दिनुभयो ।
कार्यक्रमको अन्तमा लैङ्गिक हिंसा निवारणका लागि ११ बुँदे साझा प्रतिवद्दता पत्र तयार गरि सामुहिक हस्ताक्षर समेत गरीएको छ । अभियानकै क्रममा सार्वजनिक स्थलमा साझा प्रतिबद्धता टाँस गरी स्व स्फुर्त लैङ्गिक हिंसा निवारणको लागि हस्ताक्षर समेत गरिएको थियो । साझा प्रतिबद्धता पत्रमा लुम्विनी प्रदेशका आर्थिक मामिला तथा योजना मन्त्री मा। धनेन्द्र कार्की, संविधान सभा सदस्य सृजना तरामु, लुम्विनी प्रदेशका पूर्व सामाजिक विकास मन्त्री सुदर्शन वराल, जिल्ला समन्वय समिति गुल्मीका प्रमुख द्रोण खत्री लगायत विभिन्न तहका सामाजिक व्यक्तित्वहरुको हस्ताक्षर रहेको थियो ।
कार्यक्रममा हिंसा निवारण सम्वन्धी प्रस्तुतीकरण पालिकाका प्रशासन अधिकृत शिव ज्ञवालीले गर्नुभएको थियो ।
सरकारले २०७५ साल देखि लैंगिक हिंसा विरुद्धको १६ दिने अभियानलाई सामाजिक सचेतना सहित प्रत्येक बर्ष सवै स्थानीयपालिका, प्रदेश तथा संघमा संचालन गर्ने निर्णय गरेको हो।
सम्बन्धित खवर
