जलचरको संरक्षण गर्न तिनाउ खोलामा छाडियो १५ हजार माछाका भुरा

तिनाउ तिनाउ नदीमा १५ हजार माछाका भुरा छाडिएको छ । जलचरको संरक्षण गरी पारिस्थितिक प्रणालीलाई सन्तुलित बनाउन तिनाउ नदीको अम्लिहान र झुम्सा क्षेत्रमा राहु र नैनी जातका १५ हजार माछाका भुरा छाडिएको हो । माछाका भुरा छाड्ने कार्यक्रममा बोल्नुहुँदै राज्यका निर्देशक सिद्धान्त, निती र दायित्वको कार्यान्वयन अनुगमन तथा मुल्याङ्कन समितिको सभापति ठाकुर गैरेले मानव अतिक्रमण परेर जलचर विनास हुँदै गएको सन्दर्भमा तिनाउ नदीमा माछाका भुरा छाड्दा त्यसले पारिस्थितिक प्रणाली जोगाउन मद्दत गर्ने बताउनुभयो । तिनाउ नदी भनेको केबल बुटवल क्षेत्र मात्र नभई नदीको मुहान स्रोत माडी क्षेत्र पनि भएकाले माडी क्षेत्रका बासिन्दा र नदीमा रहने जीवनजन्तुको प्रणालीलाई सहज बनाउने बताउनुभयो ।

नेपालमा तिनाउ नदीजस्ता खोलामा १२ प्रकारमा माछा पाइने र त्यसले नदीमा हुने जीवको सन्तुलन कायम गर्न सहयोग पु¥याएको नेपाल कृषि अनुसन्धान परिषद् नार्कका प्रशासन प्रमुख नवीनप्रकाश पौडेलले बताउनुभयो । छाडिएका भुरा माछा तीन महिनापछि हुर्कने र त्यसले प्रजनन् प्रक्रिया सुरु हुने उहाँले बताउनुभयो । पशु तथा मत्य अनुसन्धान निर्देशनालय, नेपाल कृषि अनुसन्धान परिषद् र मत्स्य शुद्ध नश्ल संरक्षण तथा प्रवद्र्धन स्रोत केन्द्र भैरहवाको प्राविधिक सहयोगमा तिनाउ नदीको अम्लिहान र झुम्साबाट १५ हजार माछाका भुरा छाडिएको हो । तिनाउ नदीमा छाडिएको माछाको संरक्षणका लागि प्रहरी प्रशासन र नागरिकको महत्वपूर्ण भूमिका रहने पाल्पाका प्रमुख जिल्ला अधिकारी आनन्द काफ्लेले बताउनुभयो ।

पछिल्लो समय तिनाउ नदीमा पाइने माछा लोप भएको अवस्था रहेको तानसेन–९, का वडाअध्यक्ष राजेशकुमार अर्यालले बताउनुभयो । सदियाैँदेखि तिनाउ नदीसँगै खेलेर बाँचेका मानिसको जीवनरक्षाका लागि पनि माछाको भुरा छाड्नुको अर्थ रहने उल्लेख गर्नुभयो । कार्यक्रममा जिल्ला समयन्य समिति पाल्पाका प्रमुख टंकनाथ खनाल, माथागढी गाउँपालिकाका अध्यक्ष यमबहादुर चिदी, जिल्लास्थित विभिन्न संघसंस्थाका प्रमुख एवं प्रतिनिधिको सहभागिता रहेको थियो । कार्यक्रमको संचालन प्रतिनिधि सभामा सदस्य एवं समितिका सभापतिका स्वकीय सचिव चिरन गैरेले गर्नुभएको थियो ।